Sonda, ils 10 d’october 2026
Restaurant/Café Letzistübli, Turitg
Arrivada dals participants: a las 09.30
Il Letzistübli è cuntanschibel cun il tram nr. 3 fin a la staziun Hubertus. Plinavant stattan a disposiziun 3–4 parcadis gratuits.
Participaziun e custs
Il turnier vegn giugà en teams da duas persunas cun partenari fix.
Custs: CHF 120.– per team / CHF 60.– per persuna
Er novizas e novizs sco er persunas cun paucas enconuschientschas dal gieu èn cordialmain bainvegnids. Durant il turnier vegnan els sustegnids ed instruids da trocchistas e trocchists cun experientscha.
Inclus en il pretsch
09.30–10.00
Ensolver
Da mezdi
Gentar cun tscherna tranter trais differents menus
Il suentermezdi
Trais differentas turtas e café
Ulteriuras bavrondas vegnan pajadas individualmain.
Premis
1. premi: CHF 300.– per team
2. premi: CHF 250.– per team
3. premi: CHF 200.– per team
Ed il team victur dastga natiralmain era sa legrar da la trofea ambulanta dal Turnier da troccas Turitg, creada e realisada dal trocchist Gieri Maissen da Rabius. La trofea vesais vus sin il maletg.
Reglas da gieu
Per il turnier valan las medemas reglas da gieu sco al Campiunadi grischun da troccas.
Annunzia
Las annunzias per il turnier vegnan prendidas encunter da la CRB – Cultura Rumantscha en la Bassa.
