Bisch e passionierti Yoga Person oder möchtisch eifach mal Yoga usprobiere? Denn bisch da genau richtig: alli Level sind willkomme und du tuesch sogar no eppis für eusi Gsellschaft. "Yoga für en guete Zweck" isch nämli es Yoga mitenand & fürenand: alli Innahme vom Event werded anen vorher usgwählte guete Zweck gspendet. Nachem Yoga gids no e Rundi Kafi füren entspannte Start is Wuchenend (oder für einzelni vlt als Anti Kater Mittel).
Chauf dis Ticket jetzt und entscheid selber wie viel du wetsch spende (15, 25 oder 35 Chf). D Spende vom jetzige "Yoga für en guete Zweck" gönd ad Stiftig "Frauenhaus Zürich".
Mitbringen:
- eigeni Yogamatte (Gymanstikmatte gad au)
- warmi und gmüetlichi Chleider (vor allem Socke und en Pulli, de Ruum isch ned super gheizt)
D Stiftig "Frauenhaus Zürich" engagiert sich siit 45 Jahren für gewaltbetroffeni Fraue und ihri Chind. Nebed em Betrieb vom Frauenhuus Züri Violetta und vom Nachbetreuigsangebot Vista Nova sind sie au im Bereich Prävention und Bildig tätig. Sie informiered als Fachstell über hüüslichi Gwalt, mached Öffentlichkeitsarbet, büted Referat zum Thema ah und sind im politische und soziale Umfeld aktiv zum d Situation vo gwaltbetroffene Fraue und Chind und bsunders au vo Migrantinnen z verbessere.
